သူက
FM ရေဒီယိုသံနဲ့ မနက်ခင်းအစပြုပြီး
PCO တေးသွားနဲ့ မျက်နှာသစ်သူပါ
ကျွန်တော်ကတော့
ရွာဦးအုန်းမောင်းခေါက်သံနဲ့ နိုးထပြီး
အရုဏ်ဦးနဲ့ ရင်းနှီးခဲ့သူပါ။
သူက
စက်တပ်ယာဉ်တွေ အကူအညီနဲ့
ဟန်ချက်ညီညီ သွားလာလှုပ်ရှားတတ်သလို
ကျွန်တော်က
နွားတစ်ရှဉ်းဆင်တဲ့ လှည်းယာဉ်နဲ့
ရိုးမတစ်ခွင်ပြဲပြဲစင်ခဲ့သူပါ။
သူက
ကြုံရင်ကြုံသလို
တိုင်းတစ်ပါးဘာသာစကားနဲ့
ကြားညှပ်ပြောတတ်သလို
ကျွန်တော်က
စကားလိမ်တွေ ဗုဒ္ဓ၀င်တွေနဲ့
စီကာပတ်ကုံးပြောတတ်သူပါ။
သူက
နိုင်ငံခြားဖြစ် အ၀တ်အစားကို
shopping centre တွေမှာ
ဈေးကြီးပေး
ဝယ်ဝတ်တတ်သလို
ကျွန်တော်က
ညီမလေး ရက်ပေးတဲ့
မြန်မာ့ချည်ထည်ဆန်းတွေကို
ဂုဏ်ယူဝင့်ကြွားစွာ
ဝတ်ဆင်တတ်သူပါ။
ဒီလို
ကျွန်တော်တို့နှစ်ယောက်
နီးစပ်ဖို့ကြိုးစားတုန်း
လင်းကြက်တွန်သံကြောင့်
အိပ်မက်ကလေး
အဝေးထွက်ပြေးသွားတယ်ဗျာ.......။ ဟူး
Subscribe to:
Post Comments (Atom)
No comments:
Post a Comment